Beiträge: 592
@ k.nightmare : Dä söd au nöd im Stil vo Pulp Fiction sy, also weschtlich. Das söll en Hollywood/Nippon Verschnitt sy... hesch scho mal Versus gseh oder Bichumo(wennis richtig schribe han) uus Korea ;)
Fàilte, Lughwyn Shor Gormalin
Beiträge: 518
..söt halt ä "omage"(kei ahnig wie mär das
schriebt aber s'dütsch wort däfür fahlt mär au nöd i:D ) ah al die kultige samurai
schnitzel film si - bin eigentlich au nöd so dä kinogänger aber hoff doch de quentin
häg äs paar schöni bilder gmacht
@Saxon: da han ich leider kei geld meh kah :(
Beiträge: 37
Sam, ha gar nit gwüsst, dass du "Italian Job" bisch go luege!
Aber nit mit em Lackschüeli-Erdbeercornetto?! ;W
Beiträge: 2.040
Jo Angi,
quote:
Aber nit mit em Lackschüeli-Erdbeercornetto?!
Doch, genau mit däm!
Beiträge: 518
chline killbill-kritik:
dä film isch definitiv nüt für alzu zartbeseitäti gmüeter - sälte(oder wohl ehr nu nie) han ich soviel bluet ih eim film gese - bin eigentlich nöd so dä metztelfimfan aber dä film häts in sich -
er isch zwar wie gseiht ziemli brutal aber däbi au immer wieder unheimlich luschtig(z.b gits än kampf zwüschen dä uma
und ca. 70 schwerterschwingende yakuzas - dät flüget bei, ärm und chöpf das es nur so sprützt..bud spencer uncut halt..)
userdem sind kampfszenen eher als tanzszene z'gseh und wükli guet gmacht
es git scho die ein oder ander ziemli härt
sceenä wo es ziemlich bechlämends gfühl hinterlaht aber au das macht schliessli än guete film us - mein fazit - 5 abgeschnittene daumen nach oben:D
Beiträge: 305
Hmm, ok de Film isch scho guet gmacht (technisch 1a, guet inszeniert), loht sech nüt säge.
Ich han eifach Problem mit dere extreme Gwalt gha, han sosch nonie öppis a Gwalt ide Medie uszsetzte gha, aber das isch doch irgendwie übertribe gsi.
Usserdem isch er ab 16ni gsi, und das isch no so öppis, woni absolut ned ha chönne versta. Ich be zwar ned vel me als 16, aber hätt ehn glich ersch ab 18ni freigeh...
Sosch natürli: Jo, Samurai-Masseschlacht isch toll gsi
Beiträge: 2.040
Juhhuuuu, es kunnt LOTR 3!!!
Ich gang en morn z'Oobe go luege.
In Basel isch är bis am 26. Dez. usverkauft!
Beiträge: 1.914
scho lang gse.
:D am 16. 12. noch de beide andere teil, hät am ca. zä vor elfi agfangä und isch denn bis am halbi zwo gangä. ;)
z öschtrich ussä, wohlgemerkt...
und kill bill... naja, er hät ä paar echt gueti szene und bilder, aber d gwalt isch scho chli übertribä.
Beiträge: 518
..find au 18 wäre durchus grächtfertigt gsi(aber isch scho guet das oisi zenusurwächter nöd alzu bissig sind..)
d'gwalt hät uf mich nöd so stark gwürkt, will mir während dä "schlimmschtä" scene
glacht händ(sind bloss ca. 10 anderi lüt im kino gsi)
new topic..;) :
was machet ihr ah x-mas?? - ich sperr mich ja so ab ca. 1600 ih mis zimmer(dä jack immer grifbereit..) und wart bis die böse
verwandte wieder weg sind...
Beiträge: 1.914
i druk mir selber alli mini füf dümä. :D
denn söt nemli d wahl vom neue rotsmitglid bi dä lees fertig si. und es gset nöd ämol so schlächt für mi us...
und süss, halt chli mit dä family zämä hockä, fondü burgindingsbums (halt s einti fleischfondü ;)) ässä und uf d gschenkli wartä.
Beiträge: 592
Ah Wiehnachte *mhhh* isch öppe syt Jahre die erst wommer ohni Verwandti fiire tüend. Mal linse wies so wird.
Fàilte, Lughwyn Shor Gormalin
Beiträge: 96
Ich wirde d Wiehnachte wie jedes Jahr dihei mit de Family fiire. Zum Znacht gits Fondue Chinoise (s andere Fleischfondue ;))nacher gmüetlich zämehocke und die sälberbachne Guetzli knabbere.
Und irgendwänn im Lauf vom Aabig werdet dänn no Gschänkli verteilt.:D
(juhu, 100 Posts;T )
Beiträge: 592
Mh... Gschänk, ich weiss nöd. Irgendswie hättis lieber mer würdsech süscht underem Jahr mal öppis schänke, als eifach sich ah Wiehnachte ds zuemülle
Fàilte, Lughwyn Shor Gormalin
Beiträge: 96
quote:
Zitat von Lughwyn
Mh... Gschänk, ich weiss nöd. Irgendswie hättis lieber mer würdsech süscht underem Jahr mal öppis schänke, als eifach sich ah Wiehnachte ds zuemülle
Fàilte, Lughwyn Shor Gormalin
Es git ja bi ois au nur eis Gschänk. Mir händ das mit de Verwandschaft mal so abgmacht, dases vo Gotte, Götti, Grosseltere und so wiiter nüt me git. Findi au guet so.:)
Usserdem wär das eh vill z tüür, will i minere Familie simmer 8 Persone, d Schwöschter vo minere Mueter hät nomal 4 Chind, ihre Brüeder auno 2 usw. Mini Grosseltere händ total öppe 24 Enkel. Jetz schtell der emal vor, du muesch denä allne es Gschänk go poschte
Beiträge: 305
Mer händs so greglet, dass mer nor de engste Verwandte öppis schenket. Das heisst Mueter Vater Schwö, fertig (ev. Götti Gotte)...
Mer händ eh ned vel mit eusne Verwandte z'tue, und ech gseh ned ii, wieso die
1.) zo eus müend cho
2.) eus allne öppis schenke müend...
Hmm, komisch sone Uffassig wie ehr setzt sich langsam dure. Es git vel woni kenne, wo nome no wenig bis gar nüt schenked. Ich finds positiv, ech fende Wiehnachte sowieso übertribe (i hate it!)
Beiträge: 592
Wiehnachte isch bi de meischte eh nur en erzwungeni "Freuid". Wer hets scho gärn wenn d Muetter oder Frau/Fründin am Stresse n'isch damit Wonnig jaaaaa gaaaanz suuuuber und aaaalesss perfäkt isch... föllig blödsinnig die sälbescht gmachti Hyperventilierig. Dänn erscht ds Gepose vo de Elterä ... wär jetzt die gschydere und flyssigere Gofe het. Ich mäin, was söll das? Söll ich min Götti fröge öber au würkli fliisig am Topographiere n'isch, wieners mit em Chef het... Das interessiert mich doch en füechte Schiisdräck. Es interessiert mich ehner wies ihm gaht, wasser dänkt u.ä.
Naja, was mich aahschiist isch es das ih minere Familie so guet wie nüüt alkoholisches trunke wird. Nei ich wott keis Wiehnachtsgelage, aber es tuet halt scho d Stimmig lockere... und süscht? Mal mit de Verwandte eis zwo liter hinter d Binse kippe, wär sicher au mal luschtig ahdsluege :)
und wenn di Verwandte scho wänd bsuecht wärde oder wänd anderi bsuech... mir wärs lieber mer würd es richtigs Familiefäscht mache. So ein zwo Täg mitenand ds tue ha. Bi üüs isches mit em Disskutiere eh immer scheisse gsy, alli am Tisch ghocket und mer het sech gägesytig dri gschnurrt. Zämmehocke ja, aber nöd wie d Familie Neanderthaler umd Füürstell *ugugug*.
Fàilte, Lughwyn Shor Gormalin
Beiträge: 2.040
Ich fyyr Wiehnachte dahei, mit dr Familie.
Villicht gang i no e bitz go Ski fahre *michfreu*.
@Lughwyn: Dir mached das e bitz sehr komerziell.
Beiträge: 592
@ James Bond : *lol* was wotsch du wüsse wie mir d Wiehnachte fiired... red nöd vo sache wode nöd kännsch, oder hesch scho mal mit üüs gfiired? Glaubs nöd...
Fàilte, Lughwyn Shor Gormalin
Beiträge: 518
..bi ois chunt au irgendwie immer dä teil
vu dä family won ich nöd chan ussstah(so gitzigi reihefamiliehusbsitzer mit stöck im arsch) de teil vu dä lüt won ich äs guets verhältniss han (au unterm jahr mal ungezwungä gseh) dampft ah dä d'fäschttäg immer ab nach italy - vielicht liht das ja ah mir;)
übrigens sylvester find ich ähnlich mühsam
wie gesehnt ihr das? isch doch au nur irgend än tag wo vor unzitä mal us rechätechnische gründ igführt wordä isch und am 12i fallet eim lüt um dä hals denä mär eigentlich lieber s'messer in ruge stäcke
würd..(aber wenigstens gits däht so am dä 2ä die erschte witztige alkleiche)
"feiertgasgestresse grüsse"
euer
sl
Beiträge: 592
Na, Sylwäschter findi i.O. da chammersech wengischtens unter Kollege (fern ab der Familienschläuche) d Lampe fülle :D
Es gaht aber nüüt über de Uster Märt... äh, de Glüehwy vom Uster Märt ;) :D
Fàilte, Lughwyn Shor Gormalin
Beiträge: 305
Also Silvester find ech ok,
Set mech mini Family amigs mit Kollege de Tag fiire loht, isch das en echt glungene Abschluss zo dem Fiirtag-Stress-Seich.
Und under dene, wo der um de Hals falled, müend jo ned nome Persone si, wo du hassisch ;)
Beiträge: 518
jaja isch ja alles halb so wild - händ ja rächt..
schisst mi eifach ah das niemer hät wähle
moonspell + lacuna coil go loäge:(
und zum uf d'ärscht zug warte isch äs eifach z'chalt - naja söt vilicht glich mal nu autokutschiere lerne..
Beiträge: 592
Moonspell & Lacuna Coil ... *arghl* det würdi au gärn anne. Mit de ÖV schiiists mi aber gröbber ah.
Fàilte, Lughwyn Shor Gormalin
Beiträge: 518
mär chönts ja mit autostop versuche - aber mir zwei schräge gstaltä händ da wohl nöd
so gueti chancä;)
aber än versuch wärs wert - letschtmal
wonis gseh (zäme mit Tiamat(!)) ischs hammergeil gsi..!
Beiträge: 592
Tankard isch am 24e im Dynamo und die Wuche isch ja no Grave Digger.
Fàilte, Lughwyn Shor Gormalin
| Seite 3 von 17 | 1 | 2 | 3 | 4 | 5 | 6 | 7 | Letzte » |