World of Gothic Archiv > Die Plauderecke
Dr Schwizerclub #3
Seite 4 von 17  1  2  3  4  5  6  7  8 Letzte »
31.12.2003, 17:10 #76
James Bond
Beiträge: 2.040

Soo, dr letschti Tag vom Joor isch do, ich wünsch allne Schwizerclub Poster e guete Rutsch und das alli Vorsätz duurebrocht wärde (ich glaub jo nit draa :))
01.01.2004, 11:06 #77
k.nightmare
Beiträge: 305

Es schöns neus euch allne!

Tja, bi mer send alli Vorsätz scho duregsetzt, well ich mer keini gmacht han ;) , ich würd jo glich nüt defür mache...
01.01.2004, 13:51 #78
Lughwyn
Beiträge: 592

Jou... Schöns neus Jahr und alles Gueti, wünschi eu :D

Fàilte, Lughwyn Shor Gormalin
01.01.2004, 21:29 #79
Stagger Lee
Beiträge: 518

dä schlüss mi doch ah..äs guets neus und
schnälli erholig..:D

sl
01.01.2004, 21:41 #80
Tuan
Beiträge: 1.914

jup, guets neus wünsch i au no. :)
und vorsäz mach i mir scho lang kei me. denn isch me immer so zwungä. i mach lieber eifach so mol öpis. oder äbä nöd. :D
02.01.2004, 18:26 #81
Squall_L
Beiträge: 1.067

Kann mir hier jemand ein paar Online Shops aus der Schweiz die PC-Spiele verkaufen sagen?
02.01.2004, 21:36 #82
James Bond
Beiträge: 2.040

Zum Beispiel: www.wog.ch
02.01.2004, 21:36 #83
Rhobar
Beiträge: 996

quote:
Zitat von Squall_L
Kann mir hier jemand ein paar Online Shops aus der Schweiz die PC-Spiele verkaufen sagen?

www.wog.ch ist wohl die beste site in der schweiz,schau mal dort rein
(nein es heisst World of Games,nicht world of gothic:D)

EDIT: was fürn zufall:D
02.01.2004, 21:38 #84
James Bond
Beiträge: 2.040

Gleiche Minute, gleiche Seite.
Ich sage nur: rofl :D
06.01.2004, 17:54 #85
Lughwyn
Beiträge: 592

Wiedermal öpis poste. Ich gang morn mal is RAV goh luege, han aber scho e "düsteri" Vorahnig. Han hüt mit de Sozialabteilig vo de Gemeind, em RAV Wetzike und ener Arbetslosekasse telefoniert. Die einzig wommer würkli het chöne witerhälfe isch d Frau vo de Arbetslosekasse gsy, mit däre hettmer au chöne rede. Aber die andere... meine güte!

Wie freu ich mich uf Morn.... ;U

Fàilte, Lughwyn Shor Gormalin
06.01.2004, 21:04 #86
Thamuri
Beiträge: 672

Sali zämme!

Ich bin mal so frey gsi und han eifach eues Bild id Sig gnoh :D
Was mached er da so? Übers läbe rede?
07.01.2004, 06:07 #87
k.nightmare
Beiträge: 305

Wennd öppis guets zom bespreche hesch und en Schwizer bisch, de chasch do inne sogar mitbestimme, was mer für es Thema händ...

...wenn das niemer macht isch halt tote Hose
07.01.2004, 09:42 #88
James Bond
Beiträge: 2.040

quote:
...wenn das niemer macht isch halt tote Hose

Wie z.B. in de letschte Tääg.
Was dr Schwizerclub bruucht, isch e Thema.
Vorschläg bitte poste.
07.01.2004, 12:29 #89
Lughwyn
Beiträge: 592

- Arbetslosigkeit
- Stüüre
- Militär
- Bier
- ... jo äh

Fàilte, Lughwyn Shor Gormalin
08.01.2004, 20:36 #90
Stagger Lee
Beiträge: 518

..immer so negativ..;)

es törf au über positvs gred wärde
wie chärzezieh, gartäpfläg oder die neuschtä neuigkeitä us äm zwerghasä verein
:D

ihr chönd au wieder mal verzähle was ihr so am gäme sind(das wär wenigsten wog passend)

ich bin grad am maxpayne 2 zocke - echt
fett chan ich nur säge
uf dä ps2 isch nba live 2004 min momentane
favorit - geilä mpmode
08.01.2004, 21:07 #91
Redsonja
Beiträge: 395

Ça va ?
J’ai lu que si on a quelque chose a dire et si on vient de la Suisse on peut avoir voix au sujet de la discussion.
Alors on moment je ne joue rien.
Oh lärned mir doch nöd alli gärn französisch
08.01.2004, 21:17 #92
Tuan
Beiträge: 1.914

dä frid heist "Schwizerclub" und nöd "clüb suisse"... also bitte schö uf schwizerdütsch. :D

i ha wider mol morrowind plus beidi addons füregholt. und uf gamecube (sonja, ufpasse! ^^) han i hüt baldurs gate: dark alliance kauft und agfangä.
08.01.2004, 21:21 #93
Redsonja
Beiträge: 395

Je viens tout suite...
und für all diä arme mitämene französischtrauma, wonich sit hüt spötischtens au han. Ich wett au. Baldurs gate... *schwärm*
08.01.2004, 21:24 #94
Tuan
Beiträge: 1.914

ätsch! :D
09.01.2004, 11:45 #95
Lughwyn
Beiträge: 592

Franztrauma hani nöd (bin ja z.T. en Gänfer) aber Franz schriibe... wie öper mal gseit het "Lateinisch ist die späte Rache der Römer an den Germanen" ;) Chasch scho uuf franz. schriibe, s lässe isch keis problem.

Naja was zock ich? Bin wieder am DoD'le, süscht MTW VI, irgendwänn wotti no ds CivIII Conquerors Add-on usprobiere (ich muessmer eh resärve ahgame bis zur RS). Gothic hani au wiedermal ahgfange und uus spass die änglisch Demo installiert (isch aber imho schlächter als die düütsch). Ahjo, han au wider die neuscht WWII Online Version gamet, brucht halt scho vill Zyt das Game. Fascht hetis no vergässe, Priaten : Herrscher der Karibik hani duregamet, macht no Spass das Teil und ich freu mich uuf Port Royal 2.

Blöd dasmmer im RAV bim Warte nöd chan zogge.

Fàilte, Lughwyn Shor Gormalin
09.01.2004, 12:16 #96
James Bond
Beiträge: 2.040

Ich game im momänt Star Wars: KOTOR (isch ächt geil) und ab und zue Gothic 1 und 2 mit dNdR.
Und Morrowind kunnt au mängmol draa.

Ich suech fieberhaft s' Baldurs Gate II. Weiss irgend öper do, wo me das no ka finde?

Zum Thema "Sprache im Schwizerclub" kann ich nur uf e Eröffnigspost hiwiise, wo me das findet:

quote:
-Schwizerdütsch schriibe könne

als Bedingig, wär mitposte dörf.
09.01.2004, 12:18 #97
Tuan
Beiträge: 1.914

muesch halt en laptop mitne... :D
i bi au für ä paar mönät bim rav agmoldä gsi, has jez aber wider ufge. dä ufwand lont nöd... usserdem fangt jo e bald d rs a.

ajo, max payne 2 han i letschti au mol schnell duregspilt. isch scho no glatt. zwar häts minere meinig no nüm so vil stil wie dä erscht teil (döt isch halt d bullettime eifach öpis neus gsi), defür isch d story zimli emotionsgladä. (für die wos no nöd wüssed: müends i allnä schwirigkeitsgrad mol durespilä, denn häts ä alternativs end...)

edit: jup, kotor isch au genial. has ä erschtsmol als neutrale bis liebe duregspilt, jez mit emene absolut böse agfangä. harhar
09.01.2004, 12:47 #98
Lughwyn
Beiträge: 592

*lol* RAV isch ja kein Uufwand. Die sache wos wänd gseh, hani (wie söttimi süscht Bewerbe chönne?) grad parat gah. Mir gaht s ih dänne zwei Mönet nur um s Gäld... es isch sehr eifach, vom RAV erwart ich Gäld meh nöd. Ich han am 23. Jänner es gspröch, mal luege. Aber ds RAV hilfter ja eigentlich "überhauptnöd" bim Job sueche. Ussert mer isch knapp durch die obligatorisch Schuelzyt mit emene Sonderschule Zügniss dure cho. He en job sueche für 2 Mönet isch ein Ding der Unmöglichkeit, zmindest im IT Bereich ;) Bi de Migros Regal ihfülle... das gaht scho ja Aber irgendwie kackt mich das ah, ich han 4 scheiss Jahr ih die Lehr & TBM investiert ... jetzt sölli gah Regal ihhfülle, merci dänn...

Fàilte, Lughwyn Shor Gormalin
09.01.2004, 18:04 #99
James Bond
Beiträge: 2.040

Het öper vo euch e Ahnig, wo ich s'Baldurs Gate II ka bschtelle, uf ere Schwizer Site?
Wenn möglich neu, nonig bruucht.
09.01.2004, 18:58 #100
Lughwyn
Beiträge: 592

Han grad min Marschbefehl für d RS (Inf RS 11-1) übercho, tscheggs jetzt nöd ganz. Die händmer gseit ich würd uf St.Galle/Herisau cho, jetzt staht da das ich uuf Chur muen. Uf de Website vo de Armee, staht au das d Inf RS 11-1 per Kp uf verschideni Ortschafte verteilt wird (St. Galle, Herisau, Gossau, Urnäsch und ebe Chur). Naja, de machi d RS halt in Chur obe...

Baldurs Gate 1? Han by WoG.ch, Alcom.ch und PC Joy nahgluegt, aber nüüt Gfunde.

Fàilte, Lughwyn Shor Gormalin
Seite 4 von 17  1  2  3  4  5  6  7  8 Letzte »