Beiträge: 762
Es wäri jo würkli schlimm wennd Schwitz eifach so ufgit und id eu inegot. Denn würid nämlich meh schlächti sache als rächti Schae id Schwiiz cho. Unter anderem all die Autos. Und das wemmer jo nid. oder? Mir hei ersch grad nei zur Brennerautobahn underem Gothard gstumme. Denn wäris sehr schad, wenn mer de eu würed biiträte und damit genau das zunichte mache.
Beiträge: 2.040
quote:
Unter anderem all die Autos
?
? Was meinsch mit däm?quote:
Mir hei ersch grad nei zur Brennerautobahn underem Gothard gstumme
Wär jo no schönner gsi, gän mr doch x Millione (mittlerwiile scho Milliarde) für d'NEAT us
Beiträge: 12
pha....
mir schwizer si eh chli komischi... aso... eigentlech nur die im Bundeshuus :D
nya.... göht id eu und mir zahle no meh... wär doch toll
de chöi mer no meh usländer id schwitz la iwandere (ned rassistisch bin)und no meh gäud verloche... und ds Bankgheimniss wär ou futsch usw.
nya.... d schwizer national bank chönnt ou zuetue... oder ömu ufe euro umstige... nya... si doch alles vorteile..
für d EU
Beiträge: 2.040
quote:
und ds Bankgheimniss wär ou futsch
Luxeburg ka s jo au bhalte.
Ohni Bankgheimnis wär d'Schwiz aber nüm d'Schwiz.
Do kunnt mr grad e Idee, für e Naame von SC4:
Dr Schwizerclub #4 - S'Bankgheimnis :D
Beiträge: 117
Aber Herre
Was händ dir eigentlich alli gegä d EU? Die Argument vo wäge me zahle, me Autos, d`Nationalbank macht zue und meh Usländer sinn doch meh als dürftig. I wött jo dä vo euch gesh, wo mir (ohni zerscht z spicke) cha sage was denn d Ufgoob vonerä Nationalbank isch. Zum Usländer Argument. Wie dir sicher nid mitbecho händ, isch bereits ä Personefreizügikeitsabkomme in Kraft und ich muss sage i ha wäg däm nonnig mehr Usländer gseh. Zudäm isch d Schwiiz extrem vo qualifizierte Arbeitskräft us em Usland abhängig. Mines wüsse wärde bereits meh als 50% vo de "Hochqualifizierte Stelle" vo Usländer bsetzt. Warum? Wills in der Schwiiz zwenig qualifizierte gitt.
Dr Zämmähang EU-Autos han i au nach längerem nachedänke nid verstande. Wär no froh wenn mir das eine chönnti erklärä. Bi scho gspannt.
S beschte für d Schwiiz wäri gsi, wenn sie 1992 em EWR biträte wär. Aber s Ständemehr und die mängmol e bitz rückständige Innerschwiizer hän das jo z verhindere gwüsst. D Schwiiz muess äntlig begriffe, dass mir uns nid ewig vo dr Wält chönne abschotte.
Also bitte löhnt doch die Polemik si und bringet mol sachlich fundierti Argument gegä d EU. Bi ebefalls gspannt.
Gruss
Edit: Han i erscht jetzt gseh. Überä Euro wird jo au gschumpfe. Worum das denn? Was isch den dr Vorteil vonerä eigene Währig? (will jetzt nid irgendsone Traditionshumbug höre).
Beiträge: 364
wil viel lüüt schiss händ, dass der euro schwach wird, wenn no meh vo dä "schwächere" staate ufgnoh wärded. üsäs fränkli isch halt scho beständig
najo, mag jetz nid en roman schribe, werum ich eher für eu beitritt wär. villicht hani ja mal luscht und z vil ziit :D
Beiträge: 117
Hmm
Das isch jo ä luschdigs Argument. Wieson sötti dr Euro durch d`Uffnahm von "schwächere Staate" (ich nimm mol a demit isch d EU Osterwiterig gmeint) schwächer werde? Mines wüssens verliert ä Währig an Wärt, wenn d`Geldmängi schneller steigt als d`Gütermenge (das nennt meh au Inflation). Da aber die einzelne Länder ihre Souveränität in Sache Geldmängi variiere verliere (dä Job wird jo jetzt vo dr EZB übernoh)cha das gar nid passiere. Uff jede Fall nid us däm Grund, dass "schwachi Staate" ufgnoh wärde.
Beiträge: 364
wenn d antwort so eifach wär.
dini begründig erinneret mi ah mis GymerVWL buech :)
die ganz sach isch aber wies usgseht scho no chli komplexer. najo, ich weiss d antwort au nid.
Beiträge: 305
Die "schwächere" Staate, wo dezuechömed händs in sech! Vo dene ehrem Marktwachstum cha d'Schwiz nome träume. Klar hends no vel Potential und sie träumed natürli vo eusem Ikommensniveau. Aber glich, die meischte vo ehne sind überhaupt ned so schwach wie veli meined.
(Mer händ das i eusem Akzentfach (Schwerpunktfach) ade Kanti 2 Johr duregchätschet, also settis langsam wüsse ;)
Beiträge: 117
*g*
Klar isch das ä ziemlich starki Vereifachig. Aber wurum wotsch noh meh Komplexität inebringe? All die Wirtschaftswüsseschftliche Modell sin nur ä vereifachti Darstellig vo dr Realität. I muess sage, au nach vier Joor Studium fallt mir uff d schnälli kei detaillierteri Erklärig i (isch aber au scho lang här wo mir das behandelt hän).
Aber d`Kärnussag isch bestimmt korrekt und ich dänk sie längt durchus für ä politische Diskussion immenä Computerspielforum.
mfg
Beiträge: 364
jo ich gsehs au so wie du Tiger eigentlech. han das Argumänt nur mal innere diskussion ghört. theoretisch wär bim Euro vil potential da, aber ebe ich bin en VWL nOOb hani nur im gymer gha.
wobi z fränkli jo z.T. fasch z höch isch, was fürd exportwirtschaft nid unbedingt guet isch (wo mir so druf ahgwise si). eh jo ich vertief mich glaubs jetz wider chli in Privaträchtkram
;)
Beiträge: 2.040
Gooht vo euch eigentlig irgend öper (usser em Ashmede) an d Tut-Anch-Amun Usschtellig uf Basel?
Link zur Usschtellig
Beiträge: 762
Gset no cool us. Mal luege. Vilicht goni mal no.
Man isch das jetz e schöni Wuche gsi. Das Wetter isch eifach herrlich gsi.
Beiträge: 117
I wird sicher au mol vorbiluege
Beiträge: 37
Ich hol mr viel eher s tutanchamun Bier, vo Ueli BIER!
Beiträge: 2.040
Ich gang sicher go luege (wenn do nur nit dr Wäg vo 20 Minute wär :D)
@Muni: Schwörsch doch nit öppe em Calanda ab?
Beiträge: 762
En Wäg vo 2 Minute.
Das wäri schön. Ich han en Wäg vo ungefähr 2 Stund.
Beiträge: 37
quote:
Zitat von James Bond
@Muni: Schwörsch doch nit öppe em Calanda ab?
TÜ DÄ KASCH ABER GRAD VERGÄSSE!
CALANDA FOREVER, 1664 NEVER!
Beiträge: 12
wäh... bier.... igitt :(
naja... jedem das seine ;)
Beiträge: 37
quote:
Zitat von Nachtheuel
wäh... bier.... igitt :(
Trink mol e Calanda Bräu, so schön küehl! Denn wirsch Bier liebe! Szenario: Im Summer bi 35 Grad: Fläscheöffner aasetze, knack, d Fläsche isch entjungferet, es ka losgoh!
Beiträge: 2.040
@Muni: Süffer! :D Bisch leider oft e gläi Massloss, was dr Bierkonsum aagoht ;)
quote:
wäh... bier.... igitt
naja... jedem das seine
Ich finds guet, vor allem 1664 de Kronenbourg!
Beiträge: 762
Also ich mues em Nachtheuel zuestimme. Ich han Bier überhaupt nid gärn.
Beiträge: 2.040
Was gits bessers im Summer?
@RiB: Wieso nit?
Beiträge: 762
Was es besseres gibt? Wie wärs mit Wasser?
Oder Orangina. Es chüels natürlich.:D
Ich weiss au nid wiso. Ich hans eifach nid gera.
Beiträge: 305
...kein Alkohol ist auch keine Lösung :D
Naja, ab und zue hani Bier scho gern, aber mues ned immer si!
Git do no vel bessers :)
[Photo folgt, Webspace down :( ]
| Seite 14 von 17 | « Erste | 10 | 11 | 12 | 13 | 14 | 15 | 16 | 17 |